模式牛思路决定出路，思路就是思维方式，看勿见、摸勿着，除脱侬先天格基因之外，就是侬后天格文化底蕴。眼界决定境界，勿痴迷表相，就能够看到其本来，自然会提高侬格境界，当人家侪勒了着相，侬已经到了看山又是山格程度，侬个人格局一定会大于他人，有人谈格局、有人谈问题、有人谈是非，勿一、勿异！
?一样格眼睛、勿一样格看法；
一样格耳朵、勿一样格听法；
一样格嘴巴、勿一样格讲法；
一样格铜钿、勿一样格用法；
一样格心、勿一样格想法；
一样格人、勿一样格活法。
? 讲两句鸟，鸟语花香、小鸟依人、百鸟朝凤、笼中之鸟、惊弓之鸟、一石二鸟鸟为食亡、池鱼笼鸟、鸟枪换炮、鸟尽弓藏…，鸟语蛮多，我一直讲笨鸟先飞，思路正确是前提，但侬要定位决定地位哦，笨鸟！已经是是“笨”字当头了，所以要比人家先飞两个钟头，但是侬憨头憨脑方向飞反呢？还是笨煞脱了…
同样晨跑、晚炼、瑜伽、健身、美容…，侬究竟是想达到啥格目的呢？还勿是“不患寡、患不均；不患贫、患不安”的翻版而已吗！思路正确格判断力才可能带来正确格结果…交关事体，有人就勿晓得哪能弄！
人是社会人，社会一直勒了变，但是“道”勿会变，做人之道尤其重要，侬帮过啥人，勿必牢记；啥人帮过侬，必须牢记！大才性缓、大智气和、责人勿苛是肚量、有才勿傲是雅量，祈愿做得到搿格《思路》
?
